Antolatzaileak gustura Oñatiko 4. Mendi Martxak izan duen parte-hartze mailarekin

Hainbat parte-hartzaile anoa puntu batean atseden hartzen.

500 lagun zeuden aurrez izena emanda eta gaur goizean beste 120 gehitu dira. Antolakuntza taldeko Josu Lizarraldek esan du egun oso polita izan dela eta askok aipatu dutela paraje berriak ikusi dituztela aurtengo ibilbideari esker.

Jendetsua izan ohi da Oñatiko Mendi Martxa eta gaurkoan 620 lagun elkartu dira. Eguraldiak lagundu egin du eta parte-hartzaileek bi ibilbide egiteko aukera izan dute. Motza 21,5 kilometrokoa eta luzea 29 kilometrokoa.

Oñatiko Foruen Plazatik abiatu da martxa eta Oñatiko paraje asko zeharkatzeko aukera izan dute parte-hartzaileek ondo seinaleztatutako ibilbidea eginda. "Jende kopuru oso polita izan dugu. Pozik gaude", esan du Lizarraldek. "Eguraldi ederra egin du eta asko gustura agertu dira aurrez ezagutzen ez zituen parajeetan izan direlako aurten".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.