Ahots mistoen kategorian lehiatu da Ganbara abesbatza Hungariako Nazioarteko txapelketan. Lehen kanporaketan aurrera egin badute ere, oñatiarrek ezin izan dute Gran Prix-erako txartela eskuratu. Laugarren postuan sailkatu dira; baina egindako lanarekin pozik azaldu dira.
"Ez da posible izan! Laugarren puntuazio onena jaso dugu, beraz ez gara pasatu final handira. Hala ere, oso pozik gaude egindako lanarekin, ezin hobeto kantatu dugu, eszenatokian disfrutatuz. Eta horrekin gelditzen gara! Zorionak abesbatza guztiei, izugarrizkoa izan da nibela! Orain eguntxo batzuk hartuko ditugu hemen inguruan deskantsatu eta turismo pixka bat egiteko", azaldu du Ganbarak bere facebook orrian.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.