2005ean Soraluzen sortutako taldea da Ventos de Saudade, taldeko kide Domentx Uzinek azaldu duenez. "Salamancan nengoela, Galiziako lagun batek fado disko bat oparitu zidan, eta asko gustatu zitzaidan. Soraluzera itzuli nintzenean, Arianeri –abeslaria– gomendatu nion, eta hari ere gustatu zitzaion. Hala, gitarra portugaldarra erosi nuen eta, pixkanaka, taldea osatuz joan gara".
Zaletasunagatik hasi ziren fadoa jotzen, baina, "nahi gabe", kontzertuak lotzen hasi ziren. "Hasiera batean, ez zen asmoa kontzertuak eskaintzea", dio. Orain, kontzertuak eskaintzeaz gain, fadoa ezagutarazten dihardute. "Jendeak interesa erakusten du, eta gu laguntzen saiatzen gara, ahal dugun heinean".
Bertsioak egiten dituzte; normalean, abesti ezagunenak.