Izen-ematea zabalik dago talo taberna kudeatzeko eta herri bazkaria zerbitzatzeko

Herritarrak taloak egiten joan den urteko Herri Egunean

Herri Egunari begira, talo tabernaren kudeaketaren eta herri bazkariaren zerbitzatze lanen deialdiak atera ditu kultura sailak. Uztailak 6 da baterako zein besterako izena emateko azken eguna.

Irailaren amaieran eta urriaren hasieran egingo diren herriko jai nagusietarako bi deialdiren berri eman du udaleko kultura sailak:

  • Herri Egunean talo tabernaren kudeaketa. Aurkezten den taldearen ardura izango da: horniketa eta ustiaketa osoa. Era berean, lortutako irabaziak taldearentzat izango dira.
  • Herri Eguneko herri bazkaria. Bazkarirako mahaiak atondu eta bazkaria zerbitzatzea izango da talde honen ardura. 40 pertsonez osaturiko taldea izan behar da eta 13:00etarako kiroldegi aurrean egoteko konpromisoa hartu behar du.

Bi deialdien izen-ematea uztailaren 6an amaituko da. Interesa dutenek kultura.idazkaritza@onati.eus helbidea erabilita edo 943 78 03 53 zenbakira deituta eman dezakete izena.

Artisau azoka eta salmenta postuak

Bestalde, Herri Egunean unibertsitatearen klaustroan egin ohi den artisau azokarako izen-ematea uztailaren 2an zabalduko dute. Baita egun horretan egoten diren salmenta postuetarako deialdia ere. Batean zein bestean, uztailaren 13a bitartean eman daiteke izena.

Urriaren 6an egingo da aurtengo Herri Eguna.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.