Txanda dendarien elkarteak 1.500 euroko erosketa txartela zozkatuko du udan erosketak Oñatiko komertzioetan egiten dituzten bezeroen artean. Uztailaren 1etik abuztuaren 31ra arte egindako erosketak sartuko dira zozketan eta zozketa irailaren 3an izango da. Parte hartzen duten dendetan gastatzeko izango da dirua.
Ekimen hau Txanda Elkarteak, Oñatiko Udalak eta Eusko Jaurlaritzako Turismo, Merkataritza eta Kontsumo sailak antolatu dute elkarrekin.
Txanda elkartekoa ez den dendaren batek parte hartzea nahiko baluke, elkartearen emailera, txanda.oinati@hotmail.com, idatzi dezake ekainak 26 aurretik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.