Zapatuan, 11:00etatik 13:00etara, askotariko ekintza eta tailerrak egingo dituzte HHko eta LHko eraikinean, eta Santa Marinan. Elkar Hezi eguna ospatzeko, aurten, Olinpiar jokoak egingo dituzte. Gainera, euskal dantzak, yoga eta drone tailerrak eta beste hainbat ekintza ere egingo dituzte.
Bazkaria Zubikoan izango da
13:30ean Kalejira egingo dute HHko eta LHko eraikinetik kiroldegira. Izan ere, han, Zubikoako kantxa berdean, bazkaria egingo dute. 14:30ean izango da bazkaria.
Batxilergoko bigarren mailako ikasleak omenduko dituzte
Bazkalostean, musika emanaldiak izango dituzte. Ohitura den moduan, batxilergoko bigarren mailako ikasleak omenduko dituzte. Dj festa ere izango dute eta baita hainbat sorpresa ere.
Txitxiburduntzi jaia
Ekainaren 8an, Haur Hezkuntzako jaia, Txitxiburduntzi jaia ospatuko zuten Elkar Hezin.