370 haur inguru batu dira Oñatiko Eskola Kiroleko sari banaketa ekitaldian

412 haur aritu dira urtean zehar, baina gaur ez dira guztiak izan, Eskola Kiroleko kide den Egoitz Atxagak adierazi duenez. "Oro har, ekitaldiaren balorazioa positiboa da. Aurtengo berrikuntza haka izan da, eta erantzuna ona izan dela esango nuke. Hasieran kosta egin zaie, baina bukaeran ia gehienak dantzan zeuden", dio. 

Sari banaketari dagokionez, Lehen Hezkuntzako 3. mailatik 6.mailara bitarteko ikasleek jaso dituzte sariak, taldekako kiroletakoak –saskibaloia, eskubaloia eta futbola–. Bestalde, hiru mendi irteera baino gehiagotan parte hartu dutenei aipamen berezia egin diete antolatzaileek.

Azkenik, opari gisa, Eskola Kiroleko kamiseta eman diete ikasle guztiei. "Logo berria du kamisetak, eta 00 zenbakia darama, proiektu berriaren hasierari nolabaiteko keinua egiteko", azaldu du Atxagak.

Gauargi erromeria taldearen dantzaldi batekin amaitu dute sari banaketa ekitaldia.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.