Mikel Biainek harrera egin dio LSNEko Johannes Feest-i udaletxean

Mikel Biain Oñatiko alkatea eta Johannes Feest penologoa. (Argazkia: LSNE)

Maiatzaren 30ean, Oñatiko alkate Mikel Biainek udaletxean hartu du Johannes Feest. Penologoa eta lege-soziologoa da alemaniarra, eta Lege Soziologiako Nazioarteko Erakundeko zientzia-zuzendari izan zen 1995etik 1997ra. Ordutik LSNErekin eta euskal gizarte eta kulturarekin harreman estua izaten jarraitu du.

Datorren astelehenean, ekainak 4, Bilbon, presondegien inguruko mintegi baten parte hartuko du Feestek. Bestalde, NO Prison liburua -idatzi duen berriena-, Londresen aurkeztuko du ekainaren 18an, Espetxea Abolitzeko Nazioarteko Konferentziaren testuinguruan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.