Gaur eguerdian zabaldu da guztiz GI-2630 errepidea Udanan, Aste Santuetatik egiten ari ziren egonkortze lanak amaitu ostean. Mendateko zirkulazioa normaltasunera itzuli da, eta beraz, amaitu da txirrindularientzako eta garraio berezientzako zirkulazio debekua.
Gipuzkoako Foru Aldunditik adierazi dutenez, gaur bukatu dituzte GI-2630 errepideko 9,670 eta 9,715 kilometro puntuen artean gertatu zen lur-irristatzea konpontzeko obrak. Diputaziotik jakinarazi dutenez, gaur goizean, errepideko marrak margotu dituzte eta obretako seinaleak kendu, errepidea guztiz irekitzeko.
Bi hilabete eta erdi behar izan dituzte, errepide zoru guztiari eragiten zion lerradura egonkortzeko lanak burutzeko. Horretarako, 45 metroko eskoilera bat eta terraplen bat eraiki dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
