Giza katerako deia egin dute Oñatin Klik Egunarekin

Klik Eguna deitu zuen Gure Esku Dagok atzo, eta herritar ugari elkartu zen Foruen plazan argazkia atera eta ekainaren 10eko giza kateari babesa agertzeko. Bide batez, oraindik badagoela izena emateko aukera gogorarazi dute.

Zigoitiara (Araba) joango dira oñatiarrak ekainaren 10ean, GEDk deitutako giza katearekin bat egitera; 187 eta 188 kilometroetan izango dira hain zuzen ere. Eta bi kilometro horiek oñatiarrez betetzeko ahaleginean dihardue azken asteotan. Hori eta "erabakitzeko 2019 arrazoi" daudela gogorarazteko elkartu ziren zapatu eguerdian plazan.

Argazki erraldoia atera zuten lehenengo, kantuan egin gero Herrixa Kantuan taldeko lagunekin, eta mokadutxoa janda bukatu zuten ekitaldia.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.