Final-laurdenetarako txartela eskura dute oñatiarrek

Kadete mailako pilotariak, partidua hasi aurretik.

Kanporaketa alde dute oñatiarrek. 1-2 nagusitu ziren joan zen zapatuan Bidania-Goiatzen, eta alde horri eustea izango da pilotari oñatiarren helburua. "Logika baten barruan, itzulerako partiduak joanekoen antzerakoak izan beharko lirateke, eta etxean ere bi partidu irabazi beharko genituzke", azaldu du Josu Osa entrenatzaileak. Partiduak egubakoitzean izango dira, 19:30ean.

Bidania-Goiatzen jokatu zuten pilotariak irtengo dira Zubikoa frontoira ere. Kadete mailan, kolpe handiagoa dute oñatiarrek. "Daukaten maila ematen badute, samur irabazi beharko genuke", dio Osak; gazteetan, Oñatiko Markel Gartziaren maila nabarmendu du Osak; eta nagusien mailan, Bidania-Goiatzeko aurrelaria oso maila handiko jokalaria dela azaldu du. "Hala ere, ondo egin genien aurre han, 18-18 ere ibili ginen...".

27 tantoko aldea

7-22, 5-22 eta 22-18 izan ziren joaneko partiduko emaitzak: "27 tanto ditugu gure alde, eta abantaila horri eutsi behar diogu". Partiduak bihar, egubakoitza, izango dira, 19:30ean, Zubikoan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.