Dionisio Nieto eta Joaquin Suarez izan dira mus txapeldunak Murgia auzoko jaietan

Arantzazu Ezkibel Galdos 2018ko mai. 14a, 10:13

Murgia auzoan Asentzio jaiak ospatu dituzte aste bukaeran. Herri-kirolak, auzoko produktuen dastatzea eta beste hainbat ekitaldi izan dituzte. Mus txapelketan Dionisio Nieto eta Joaquin Suarez bikotea izan ziren txapeldunak.

Zapatu arratsaldean jokatu zuten mus txapelketa Asentzio elkartean. 11 bikote lehiatu ziren eta txapeldunak Dionisio Nieto eta Joaquin Suarez izan ziren; bigarren geratu ziren Josu Eraña eta Amaia Arregi.

Harri-jasotzailea

Manex Urrutiak harri-jasotze saioa egin zuen. 100 kiloko harria jaso zuen lehenengo; ondoren 70 kilokoa esku bakarrarekin; eta, azkenik, 62 kiloko harri borobila jaso zuen.

Auzoko afaria

Auzo afarian 68 lagun elkartu ziren. Jai giroan afaldu ondoren, Miren, Agur eta Oier trikitilariek girotu zuten afalostea.

Omenaldia eta luncha

Atzo, domeka, meza izan zuten eta ondoren Karmen Urteaga eta Joxe Inza auzotarrak omendu zituzten. Auzoak eskainitako luncharekin amaitu zituzten jaiak Murgian.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak