Txorimaloak eta kalejira izango dira 19:00etan Kasablankan, eta baita pintxo-potea ere; 22:30ean, rock metal jaialdia, Txua, Dskarga eta Deliriun taldeekin; 22:45ean, su artifizialak. Bihar, 12:00etan, haur jolasak izango dira; 14:00etan, auzo bazkaria; 17:00etan, txahalak eta zaldiak; eta 19:00etan, umeendako tailerrak eta olagarro eta sagardo dastatzea. Domekan, azkenik, 12:00etan meza egingo dute; 12:30ean, kalejira musika eskolako ikasleekin; 13:00etan, Oñatzeko dantzariak; eta 14:00etan, luntxa eta erromeria.
Murgian, berriz, ganadu erakusketa egingo dute zapatuan 10:30ean; 12:00etan, auzoko produktuen dastatzea, bertso eskolak girotuta: gazta, saiheskia, txakolina eta sagardoa; 15:00etan, mus txapelketa; 16:00etan, magoa eta txokolatada; 17:30ean, Manex Urrutia harri-jasotzen; 20:30ean, auzo afaria; eta Oier, Miren eta Agur taldearekin erromeria. Domekan, 12:00etan meza, eta gero Karmen Urteagari eta Joxe Intzari omenaldia, eta luntxa.
