Norbanakoen arrazoiak batuko ditu zapatuan Gure Esku Dagok

San Migel Txiki jaietan ere egon dira giza katerako izenak hartzen eta materiala saltzen (Argazkia: GED Oñati)

Oñatiarrek erabakitzeko dituzten arrazoiak jasoko dituzte zapatu goizean Eltzian, Herritarren Itunerako. Ekainaren 10eko giza katera joateko berriz, Gure Esku Dago taldeak Kale Barrian duen lokalean eman daiteke izena. Zigoitiako (Araba) bi kilometro beteko dituzte oñatiarrek eta autobusak egongo dira joan-etorrirako.

Erabakitzeko arrazoiak batu gura ditu Gure Esku Dago dinamikak. Norbanakoak erabakitzeko dituen arrazoiak. "Hiriburuetan egin da ekimen hau dagoeneko eta orain herrietan egingo dugu. Oñatiarrek euren arrazoiak emango dituzte eta horiek jasoko ditugu guk. Ez ditugu ez laburtuko edo aldatuko, dauden bezala jaso eta gordeko ditugu. Herritarren Ituna  osatuko dugu ekarpen horiekin eta legebiltzarrean ere egingo da 2019 arrazoi edo gehiagoren entrega sinbolikoa", dio Lierni Olmedok. Eltzian izango da mintegia zapatuan, 10:30etik 12:00etara.

Giza katea

Ekainaren 10ean egingo den giza katean, Zigoitiako (Araba) bi kilometro beteko dituzte oñatiarrek. Eguerdian izango da ekitaldia eta autobusak egongo dira joan-etorria egiteko. Parte hartu gura duenak Gure Esku Dagok kale Barrian duen lokalean eman dezake izena eguen arratsaldetan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.