Partidu garrantzitsua jokatu dute, gaur, Erregional preferenteko Aloña Mendi taldeak eta Elgoibarrek, Azkoagainen. Mailaz igotzeko aukera zegoen jokoan, eta etxeko taldeak ezin izan du norgehiagoka irabazi. Oñatiarrak irabazten hasi arren, 1-2 amaitu da partidua. Aurkariek, 85. minutuan bigarren gola sartuta.
Partidu gogorra, borrokatua, eta parekatua izan da, gaur, Azkoagainen jokatutakoa. Lehen zatian, ez da golik egon, eta 55. minutuan etorri da etxekoen gola, Palaciosek sartu duena. Ondoren, 65. minutuan, elgoibarrekoen berdinketa iritsi da, eta partidua amaitzeko bost minuturen faltan, aurkariek 1-2koa sartu dute.
Gauzak horrela, matematikoki ezingo da mailaz igo aurten, Erregional Preferenteko Aloña Mendi taldea.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.