Jende ugari bildu zen atzo gaztelekuan, eta publikoaren erantzuna ere bikaina izan zen, Arkauzen esanetan. "Adierazi digute ondo landu ditugula gaiak, seriotasunez, eta aldi berean, umorea erabiliz". Halaber, emaitzarekin gustura gelditu direla ere adierazi zieten ikusleen Irazan antzerki guneko kideei, eta hauek ere "oso pozik" daudela onartu dute.
Askorentzat lehenengo aldia zen oholtza gainean, baina Arkauzen arabera, "hori ez zen nabaritu". "Urduritasunak alde batera utzi, eta bikain moldatu ziren guztiak", nabarmendu du.
Emaitza ikusita, "emanaldia errepikatzeko gogoz" geratu dira Irazanekoak, baina oraindik ez dute ezer erabaki.
