Hainbat ekintza aukeran, Liburuaren Egunaren harira

Urtero lez, hainbat ekintza izango dira Liburuaren Egunaren harira –apirilak 23–. Gainera, gura duen bazkideak liburu bat jasoko du opari egun horretan, kultura etxean bertan.

Besteak beste, Zurrunka antzerki taldearen egitasmo berriaz gozatzeko aukera izango da Liburuaren Egunean: Kale kolore ikuskizuna. 17:30ean hasiko da ekintza; eta herriaren erdiguneko kaleetan jardungo dute protagonistek. Emanaldi mutua da eurena –begiradak, mugimenduak eta ekintzak dira ardatz–.

Bestetik, El niño que robo el caballo de Atila liburuari buruzko tertulia-saioa egongo da apirilaren 25ean, 18:30ean hasita, kultura etxean: Ivan Repila idazleak zuzenduko du saioa. Eta, ostera, Maider Galarzaren ipuin kontaketa izango da hilaren 26an, kultura etxean; 18:00etan hasiko da ekintza. 6 eta 9 urte bitartekoendako saiora joan gura duenak aurrez jaso beharko du gonbidapena, haur liburutegian bertan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.