Hain zuzen ere, Arkada Social eta Txua musika taldeek irekiko dute asteburuko ekintza sorta; gaur dute kontzertua, 22:30ean hasita. Eta interesa duenak 8 euroren truke eskura dezake sarrera –ez dago aurrez erosteko aukerarik–.
Bestetik, Haziak diskoaren aurkezpen ekintzak emango dio jarraipena asteburuari. Zehatz esanda, Euskal Herriko Trikitixa Elkartearen ekimenez sorturiko lana da: 25 urtetik beherako gazteei euren abestiak plazaratzeko aukera eskaini guran, maketa lehiaketa jarri zuen abian. Eta bertara aurkezturiko zenbait kantu biltzen ditu diskoak. Hala, horretan parte hartu duten hainbat izango dira gaztelekuko agertokian, bihar, 19:00etan hasita, musu truk.