Burgoseko Tobalina bailaran dago Humion mendi tontorra, Obarenes-San Zadornil Mendiak parke natural barruan. Orbañanos herrian hasi eta kate osoa zeharkatuz Frias herriraino joango dira. Domekan, apirilak 15, izango da Aloña Mendiko mendi sailak antolatutako irteera hau eta joan gura duenak hilaren 12a aurretik eman behar du izena.
Datorren domekan, apirilak 15, egingo du Aloña Mendiko mendi sailak apirilerako antolatu duen irteera. Burgosera joango dira. 1.437 metro dituen Humion tontorrera joango dira. Aurreratu dutenez bost orduko ibilaldia da, zailtasunik gabekoa.
Joateko, derrigorrezkoa da federatuta egotea. Prezioa da 10 euro eta hilaren 12a aurretik eman behar da izena Aloña tabernan edo alonamendi.mendi@gmail.com helbidean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.