Oñati Cup txapelketa egingo dute zapatuan

Zapatuan egingo dute Oñati Cup txapelketaren edizio berria: Larrañako futbol zelaia izango dute jokaleku, 10:30ean hasita. Eta zortzi taldek esku hartuko dute ekintzan.

DBH 4. mailako ikasleek hitzordu berria antolatu dute astebururako, ikasbidairako dirua lortu guran. Bada, zortzi taldek jardungo dute Larraña futbol zelaian –mistoak dira horietako batzuk–; 12 eta 17 urte bitarteko neska-mutikoak dira horiek. Eta egunean bertan jokatuko dituzte partidu guztiak.

Hain zuzen ere, bi sari egongo dira jokoan: txapelketako garailearena eta talde misto onenarena. Oñatiko Gaztelekuan musu truk afaltzeko aukera izango dute sarituek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.