Ainhoa Intxaurrandieta eta Iñaki Errazkin apirilaren 12an epaituko dituzte Madrilen 2013an erraustegia gelditzeagatik. Elkartasuna adierazi nahi izan die Gipuzkoa Zutik mugimenduak auziperatuei eta 'Angula ustelak' izeneko hitzaldi bira ari dira egiten Euskal Herrian. Gaur Oñatiko kultura etxean izango dira Intxaurrandieta eta Igor Meltxor gaiari buruz berba egiten; 19:00etan, kultura etxean.
Euskal Herriko 30 herri baino gehiagotara helduko da Angula ustelak hitzaldi bira. Gipuzkoa Zutik-ek antolatu ditu, herrian herriko eragileekin batera, eta gaur, martxoak 21, Oñatiko kultura etxean eskainiko dute hitzaldi hori, 19:00etan. Auziperatuetako bat, Ainhoa Intxaurrandieta, eta Kazetari Kaniako Igor Meltxor etorriko dira berba egitera.
Hilaren 6an Elgetan egin zuten hitzaldia, apirilaren 23an Arrasaten izango dira eta maiatzean, 8an Antzuolan eta 24an Eskoriatzan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
