Uztailaren 2tik 27ra izango dira aurtengo udaleku irekiak. Gaztelekua izango da aurten ere topalekua eta 4 eta 12 urte bitarteko umeak parte hartu ahal izango dute. Uraren eguna, eskulanak, jolasak, ibilaldiak eta kanpaldia dira, besteak beste, egin asmo dituzten ekintzetako batzuk.
Matrikula da 70 euro haur bat, 60 euro bigarrena eta 50 euro hirugarrena; laugarrenetik gora, doan da. Izen-emate orria eta ordainketaren ziurtagiria entregatu behar dira udaletxean edo ludotekan martxoaren 23a aurretik. Ordutegia da 10:00etatik 13:00etara eta 08:15etik 10:00etara zaintza zerbitzua egongo da; horren prezioa da 50 euro.
Arte udalekuak
Data eta prezio berdinetan arte udalekuak ere egingo dira. LH3tik DBH4ra bitarteko gazteendako izango dira eta dagoeneko bete dira plazak. Gehienez hamabost laguneko taldea osatu dute udaleku horietan.
