Euskal Musikagintzak bizi duen paradigma berriaz hitz egiteko

La Basu rap kantariak parte hartuko du Beratu jaialdian.

Autogestioak, digitalizazioak, belaunaldi aldaketak... euskal musikaren eszena aldatu egin dute, eta, ondorioz, zalantzak eta kezkak sortu ditu sektorean; horiei erantzuna bilatzeko, Ahotsenean elkartuko gara jardunaldiak egingo dituzte Oñatin egingo duten Beratu jaialdian.

Martxoaren 18tik 24ra bitartean egingo du Oñatiko Udalak, Ahotsenearekin eta herriko askotariko eragileekin elkarlanean, eta herriko azpiegitura ezberdinak agertoki bihurtuko dituzte. Hitzaldiak, mahai-inguruak, kontzertuak, tailerra eta disko azoka izango dira. Informazio gehiago Beratu.eus atarian dago.

 Profesionalendako topagunea

Euskal Herriko musika eszenako profesionalak batu gura dituzte martxoaren 24an goizean Eltzian. "Programatzaileak, musikariak, kazetariak eta bestelako eragileak gonbidatu gura ditugu. Speed meeting formatuko dinamika izango da; hau da,  profesional bakoitza eztabaida mahai batean egongo da, eta musikariekin osatutako talde bakoitzak hamabost minutuko bilerak egingo ditu. Musikariak mahai guztietatik igaro ondoren, antolatzaileak mahaietan jasotako ondorioak aurkeztuko ditugu. Ondoren, hiru hitzaldi labur izango dira. Parte hartzea doakoa da, baina martxoaren 18a baino lehen egin behar da sekaera, Ahotsenea@durangoazoka.eus helbidera idatzita", azaldu du Arkaitz Villarrek, antolatzaile taldeko kideak.

Arratsaldean, guztientzako

16:00etatik 20:30era bitartean ordu erdiko kontzertu akustikoak eta disko azoka izango dira, publiko guztiarendako, Eltzian.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.