Urte batzuetan desagertuta egon ostean, Gazte Eguna berreskuratu dute Oñatiko gazte batzuek. Goizean bertso musikatu saioa egin dute Ona tabernaren aurreko plazatxoan, eta hasiera hotz xamarra izan bada ere, jendea hurbilduz joan da. "Azkenerako 40 bat lagun elkartu gara eta, egia esan, oso giro polita egon da", azaldu du Gontzal Belategik, antolatzaileetako batek.
Hau bukatzean, trikipoteoa egin dute tabernaz taberna, eta ondoren Antixena gaztetxean bazkaldu dute, 25 lagun inguruk. Azkenik, presoen aldeko argazkia atera dute, gaztetxearen kanpoaldean. "Antolatutako ekintzetan parte-hartzea horren handia izan ez arren, positiboki baloratzen dugu eguna". Oraindik, baina, ez da eguna amaitu. 22:00etan, Drakes eta Los WC taldeek kontzertua eskainiko dute Antixenean.
Egun hau berreskuratu nahi izan dute "Bere garaian egin izan ziren, eta orain jende berria gerturatzeko helburuarekin, eguna berriz antolatzea erabaki dugu. Asmoa da urtero egun hau ospatzea", dio Belategik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak