Pasa den asteko porrota ahaztu, eta lehenbailehen dinamika onera itzuli gura dute Gotzon Urtzelairen mutilek. "Emaitzei dagokienez, urtea gaizki hasi dugu, eta horrek eragina izan du taldearengan. Gauzak hobetu besterik ezin da egin hemendik aurrera eta gogo handiarekin gaude berriro dinamika ona hartzeko. Ea afizioaren aurrean itxura ona emateko gai garen", azaldu du Gaizka Irizarrek, taldeko jokalariak.
Zumaiako izango dute aurkari domekan, 16:30ean. "Han irabaztea lortu genuen, oso partidu serioa eginda. Hala ere, talde zaila da, jokalari azkarrak dituzte, eta kontuz ibili beharko dugu", nabarmendu du Irizarrek.
Emakumezkoen Kopari dagokionez, Aloña Mendik atsedena izango du asteburuan. Pasa den astean, 5-0 irabazi zioten oñatiarrek Intxurre taldeari.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.