Aste Santu ostean hasiko dituzte Udanako errepidean apurtutako zatia konpontzeko lanak

Oihana Elorza Gorostiza 2018ko ots. 21a, 09:40
Errepidea hondatuta Udana mendatean

Gipuzkoako Foru Aldundiak baieztatu duen moduan, lanak lizitazio fasean daude eta Aste Santu ostean hastea aurreikusten dute. Bitartean semaforoez erregulatuta dagoen behin behineko bidea zabaldu da eta lanek irauten duten bitartean ere semaforoak egongo dira.

Gipuzkoako Foru Aldundiak lizitazio fasean dauka, Udanan, GI-2630 errepideko 9,670 eta 9,715 kilometro puntuen artean gertatu zen lur-irristatzea konpontzeko obra. Lanak, Aste Santu ondoren hasiko direla aurreikusten du eta, errepide zoru guztiari eragiten dion lerradura egonkortzea izango da egingo duten lana. 45 metroko eskoilera bat eta terraplen edo lubeta bat eraikitzea da egin gura dutena.

Obrak, 242.000€ ko aurrekontua du eta bi hilabete eta erdiko exekuzio epea. Lanek irauten duten bitartean, lur-irristatzea gertatu ondoren egokitu den ordezko bidetik arautuko da trafikoa, semaforoen bidez.

Lanak bukatzen dituztenean, debekatuta izango dute handik pasatzea neurri hauek gainditzen dituzten garraio eta ibilgailu bereziek: zabaleran 3,5 metro baino gehiago dutenek, 25 metro baino luzeagoak direnek eta 40 tona baino gehiagoko pisua dutenek.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak