Udazken eta neguko denboraldiari amaiera eman eta udaberrikoari ongietorria eman gura dio Txanda dendari elkarteak eta Azken txanpa! izeneko egitasmoa antolatu du egubakoitzerako eta zapaturako. "Aurrekoetan egin dugun bezala, denda bakoitzak ate aurrera aterako ditu neguko arropa eta osagarriak, bakoitzak bere deskontu edo beherapenarekin. Udaberriko produktuak ere izango ditugu, herritarrek ikusteko zer datorren", azaldu du zuzendaritzako kide den Irma Juaristik.
Guztira Txandako 25 komertziok hartuko dute parte: Iramira, Maibi, Mendizabal; Marku, Urtaza, Urrutia Gizonak, Chic, Sua, Kuttun, Luar, Ane mertzeria, Laket1, Laket2, Haritza, Itziar optika, Bellotza, Ni moda, Baio, Caravanas Oñate, Olalde1, Olalde2, Arkauz optika, Amalur eta D’or.
Batzarra
Bestalde, datorren martitzenean, otsailak 27, egingo du Txanda elkarteak urteko batzar orokorra. Azken urtearen balantzea eta hurrengorako dituen asmoak eztabaidatuko dituzte, besteak beste, eta zuzendaritza berrituko dute; lau komertziotako ordezkariek zuzendaritza utziko dute (Luhar arropa denda, Arkauz optika, Rosa bitxigintza eta Ane mertzeria) eta beste lau sartuko dira. Bederatzi lagunek osatuko dute hurrengo zuzendaritza berria.