Hamar minutuk hondatu dute aurretik egindako lan bikaina

21-26 galdu du Aloña Mendik Aiala ZKEren kontra. Emaitzak pentsaraz dezakeenaren kontrara, baina, oñatiarrak nagusi izan dira neurketako 50 minututan. Erasoan eta defentsan lan ederra eginda, amaierara arte jarraitzea baino ez zaie falta izan.

Aloña Mendi bikain ibili da hasieratik, eta zarauztarrak, berriz, ezinean. Azken markagailuak partidua izan dena islatzen ez duen bezala, partiduaren zati handienean ere ez da islatu sailkapenean bi taldeen artean dagoen aldea –aurrean dabil Aiala, atzetik gertuago Aloña–.

Lauzpabost goleko aldea ere izan dute gorriek, baina atsedenaldira bizpahiru aurretik iritsi dira. Neurketa amaitzeko hamar minutu falta zirela lortu dute kanpokoek berdintzea; harrapatu egin dituzte oñatiarrak, eta pasatu; handik amaierara ez da parekotasunik izan.

Lehenengo itzuli kaxkarraren ostean, bigarrena ederra egiten ari dira Oñatikoak, nahiz eta hiru garaipeneko bolada gaur Zubikoan eten. Datorren astean Ereintzaren –puntu bat atzetik dute– kantxa zailean jokatuko dute.

Erlazionatuak

Aloña Mendi- Aiala ZKE, argazkitan

Oñati

21-26 galdu du Aloña Mendik Aiala ZKEren kontra. Emaitzak pentsaraz dezakeenaren kontrara, baina, oñatiarrak nagusi izan dira neurket...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.