Lehenengo itzuli osoan bi garaipen baino ez zituzten lortu Aloña Mendiko eskubaloiko neskek. Hala ere, azken hiru partiduak errenkadan irabazi dituzte, eta, horren ondorioz, sailkapenean gora egin dute. Maider Gomez kapitainaren esanetan, taldeak, "konfiantza" berreskuratzeaz gain, "indarrak" hartu ditu, mailari eusteko helburu hori lortzeko bidean.
"Lasaiago gaude orain, eta hori nabaritzen da entrenamenduetan", azpimarratu du. Hala ere, Gomez jakitun da biharkoa ez dela batere partidu erraza izango. "Urtero gora begira dagoen talde bat da. Defentsan ondo aritzearekin ez dugu nahikoa izango. Erasoan ere asmatu beharko dugu, oso talde azkarra delako eta kontraerasoan min handia egiten duelako".
Bestalde, Fagor Industrial Aloña Mendik Ilcapo Hondarribia hartuko du bihar Zubikoan, nesken partidua amaitzean –18:15ean–. Errenterian galdu ostean, garaipena ezinbestekoa dute Aitor Aranbururen mutilek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
