Miren Josune Bikuña eta Beñat Ormaetxea sarituak 2017ko Euskadiko triatloi eta duatloi zirkuituetan

Miren Josune Bikuña eta Beñat Ormaetxea sarituak 2017ko Euskadiko triatloi eta duatloi zirkuituetan
Beñat Ormaetxea eta Miren Josune Bikuña sariekin (Argazkia: Gipuzkoako Triatloi Federazioa).

Atzo, otsailaren 11n, sari banaketa ekitaldia egin zuen Euskadiko Triatloi Federazioak, 2017ko Euskadiko Duatloia eta Triatloi zirkuituetako atleta onenak saritzeko. Miren Josune Bikuñak bi sari eskuratu ditu duatloian, eta Beñat Ormaetxeak duatloi modalitatean bat eta triatloian beste bat.

Gipuzkoako Triatloi Federazioak jakinarazi duenez, Antxintxika taldeko Miren Josune Bikuñak absoluto mailan bigarren postua bereganatu du eta beterano 2. mailan lehenengo postua; biak ala biak duatloian. Bestalde, Aloña Mendi Kirol Elkarteko Beñat Ormaetxeak junior kategorian bi sari eskuratu ditu: bata duatloian, lehenengo postua eskuratu du; eta bestea triatloian, hirugarren postua lortu du.

Taldeei dagokienez, Antxintxika Triatloi Taldeak ere bi sari eskuratu ditu; duatloian junior mailako taldeak lehenengo postua eskuratu du; eta triatloian gizonezkoen taldekakoak bigarrena.

Zirkuitu hauek Gipuzkoan eta Bizkaian ospatutako duatloi eta triatloi ezberdinek osatu dute; tartean Oñatiko 26. Duatloia.

2018ko egutegia

Egubakoitzean ospatuko den Euskadiko Triatloi Federazioaren biltzar orokorrean onartu da 2018ko egutegi ofiziala. Hala ere, aurre-egutegiaren arabera, 2018ko zirkuituak 9 duatloik eta 14 triatloik osatuko lukete. Tartean Oñatiko 27. Duatloia dago, martxoaren 11n.