Emanaldia 22:30etan hasiko da; sarrera ia guztiak saldu daude baina leihatilan gutxi batzuk izango dira.
Tolosarren laugarren lana da hori, urtebetez eta mimo handiz landutakoa; halaxe azaldu zuen taldeko abeslari Juantxo Arakamak Puntua aldizkarian. "Hutsetik hasi ginen geure musika birplanteatzen. Erritmoen aukeraketa, musikaltasuna, gaiak, errimak... Dena jarri genuen zalantzan disko hori egiten hasteko". Hala ere, bete-betean du lanak Glaukomaren marka, egunerokotasunean topatzen dituzten estimuluetan oinarritutako kantu zorrotzak rap eta reggae doinu bizi eta dantzagarriekin josita.
2015ean Oiartzunen sortutako Autobus Magikoa izeneko boskoteak zabalduko du emanaldia. Iaz jaietan Oñatin jo zuten eta musikalki ez daude tolosarrengandik oso urruti; horiek ere reggae doinuak dituzte ikur.
