Saskibaloi festa Zubikoa kiroldegian

Urteroko tradizioari eutsiz, Gabonetako Saskibaloi Txapelketa egiten ari dira Zubikoa kiroldegian, Aloña Mendiko saskibaloi sailak antolatuta. Guztira 21 taldek eman dute izena eta egun osoko saskibaloi jardunaldi intentsiboaren ostean, bihar jokatuko dituzte gizonezkoen finalaurrekoak eta finala eta emakumezkoen finala.

Gizonezkoetan, batetik Albok eta Kosten taldeek neurtuko dituzte indarrak, 10:00etan. Bigarren finalaurrekoan, berriz, Popezk eta Hangover taldeak ariko dira nor baino nor gehiago, 10:45ean hasita. Finala 12:15ean jokatuko dute. Emakumezkoen finala Malas Pulgas eta DGTV taldeek jokatuko dute, 11:30ean.

Bestalde, zelai erdiko jaurtiketen lehiaketa Jokin Leibarrek irabazi du, bi saskiratze lortuta. Hala, gazta bat eraman du etxera.

Jokin Leibar, gazta eskuan duela. Argazkia: Josu Juaristi.

Horrez gain, hiruko jaurtiketen lehiaketa ere jokatu dute eta Aitor Barreiro nagusitu da finalean, Jon Zelaia, Mikel Biain eta Beñat Madariagaren aurka. Barreirok urdaiazpikoa izan du saritzat.

Aitor Barreiro, urdaizkpikoa eskutan. Argazkia: Imanol Elgarresta.

 

Erlazionatuak

Albok eta Malas Pulgas izan dira onenak Gabonetako Saskibaloi Txapelketan

Oñati

Gizonezkoetan Albok taldea gailendu da, Popezk mendean hartuta (62-52). Emakumezkoetan, berriz, Malas Pulgas taldeak nagusitasun handiarekin irabaz...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.