Udaleko egutegiak euro baten daude salgai

Turismo Bulegoan eta udaletxeko harreran eros daitezke

Hirigintzarekin zerikusia duten garai bateko eta gaur egungo argazkiak erabili dira egutegia ilustratzeko. Azken hamarkadatan Oñati nola aldatu den eta hirigintzaren garapena nolakoa izan den ikus daiteke irudietan. Turismo Bulegoan eta udaletxeko sarreran egongo dira salgai gaurtik euro baten.

Udaleko euskara departamenduak ateratako 2018ko egutegian, hirigintza eta euskara uztartu nahi izan dira. Lurralde antolamendua eta hizkuntza. Hirigintzak eragina duela euskararen erabileran ikusi da, eta datorren urtean Udalak esku artean izango duen proiektu nagusienetako bat Hiri Antolaketarako Plan Orokorra (HAPO) izango denez, bi arlo horiek lotu dira egutegian.

Datozen egunetan, herriko ikastetxe, elkarte, establezimendu eta enpresetan banatuko ditu Udalak horman zintzilikatzeko egutegiak. Bestalde, gaurtik aurrera, turismo bulegoan eta Udaletxeko harreran ere eskuratu ahal izango dira euro baten truke.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.