Ertzaintzaren arabera, 07:00ak inguruan GI-2630 errepidean, autobus bat matxuratuta gelditu da Udana mendatean; ondorioz autobusak eta kamioiak Deskargatik bideratu dira. DG04 Zumarraga>Legazpi>Oñati>Arrasate zerbitzuan atzerapenak eragin ditu horrek. 09:30etatik irekita dago mendatea ibilgailu guztientzat.
Gaur, Santa Lutzia izanik, asko ziren Zumarragara autobusez joan nahi zutenak, ondorioz, jende dezente pilatu da Oñatiko hiru geltokietan. Beste batzuk autobus barruan, bidean gelditu dira.
Oñatin, bai Zumarragara eta baita Arrasate aldera joateko zain zeudenak autobus batean batu ditu Lurraldebusek eta Elorregiko geltokira eraman ditu guztiak, handik beste autobus bat hartzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.