Izarraitzkoa izango da Aloña Mendiren urteko azken mendi irteera

Azaroko mendi irteeran ateratako argazkia (Argazkia: Aloña Mendi)

Izarraitzera egingo dute irteera datorren domekan, abenduak 17, Aloña Mendik antolatuta eta urteko azken irteera izango da. Joan gura duenak abenduak 14 aurretik eman behar du izena. Derrigorrezkoa da federatuta egotea.

Azkoitia eta Azpeitia lotuz, Izarraitz aldera joango dira domekan, Aloña Mendiko mendi sailak antolatutako irteeran. Kakuta, Xoxote eta Erio. Hiru tontorrak egingo dituzte.

Aloña Menditik jakin arazi duten moduan, zailtasunik gabeko irteera da, bost ordu ingurukoa; hamasei kilometro ditu luzeran eta 1.050 metroko desnibela.

Domekan, abenduak 17, 08:30ean aterako dira postetxe paretik eta urteko azken irteera izanik, Landetan bazkalduko dute menditik jaitsi ostean.

Abenduaren 14a aurretik eman behar da izena Aloña tabernan edo alonamendi.mendi@gmail.com helbidean. Prezioa da hamar euro.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.