Asteburuan jada nabariko da hori, era askotako ekintzak antolatu baitituzte. Gaurko finkatu dute lehen hitzordua: bertso saioa egongo da, 19:00etan hasita. Hain zuzen, Aitor Bizkarra, Odei Barroso, Miren Artetxe eta Maider Arregi bertsolariek jardungo dute agertokian.
Horrez gain, beste bi hitzordu daude finkatuta astebururako. Batetik, metal festa antolatu dute biharko; 21:30ean hasiko da Late To Scream, Hilotz eta Broken Legacy musika taldeen kontzertua. Eta, bestetik, haurrentzat ere izango da hitzordurik: ipuin kontalaria eta eskulanak egongo dira domekan, 17:00etan hasita. 3 eta 8 urte bitartekoentzat ipuinak kontatuko ditu Ane Gebarak.
