Eta jarraian, 19:30ean, Julio Villar (Donostia, 1943) mendizale eta idazleak berbaldia egingo du; 2016an argitaratutako Viaje a pie izeneko liburuaren gainean egingo du berba. Azaroaren 28an, berriz, Oihana Kortazar elgetarrak lasterketen eta amatasunaren gainean egingo du berba –19:30, kultura etxea–. Eta badu zer kontatu; izan ere, mendi lasterketetan erreferenteetako bat dena indartsuago bueltatu izan da haurdunaldien ostean.
Jorge Garcia Dihinx, 29an
Bestalde, La meteo que viene blog arrakastatsuko egile Jorge Garcia Dihinx medikua azaroaren 29an izango da Oñatin. Aragoikoak elurraren egoera eta elurjausiak izango ditu berbagai Oñatin. Eta azaroaren 30ean Kilian Jornet mendizalearen Déjame vivir filma erakutsiko dute (20:00), hori ere kultura etxean.