Asteari hasiera emateko, Aloña eta Goizalde abesbatzen emanaldia izango da astelehenean, 18:00etan, Santa Anan. Martitzenean, 17:30ean, Jose Antonio Azpiazuk hitzaldia eskainiko du Pake Lekun: Juegos y apuestas en la historia vasca. Eguaztenean, 17:00etan, Bienvenidos al Norte pelikula eskainiko dute kultura etxean. Eguenean, 17:00etan, bingo berezia egingo dute Pake Lekun, opari bereziekin. Egubakoitzean, azkenik, Ikusi-Makusi antzerki taldearen emanaldiarekin emango diote bukaera Aste Kulturalari. 17:30ean izango da hori, Santa Anan, eta bazkideei zuzendutako emanaldia izango da. Abenduaren 3an, berriro eskainiko dute antzerkia, oraingo honetan herritar guztiei zuzenduta –19:00etan, Santa Anan–.
Antzerkiari dagokionez, Oporretara goaz! izeneko emanaldia izango da. Honela laburbildu du antzerkia Asun Arzuagak, zuzendariak: "Ezkonduta dauden bi emakumek lagun ezkongabea Benidormera eraman gura dute, apur bat animatu dadin. Gizonei ezer esan gabe joan nahi dute, baina bukaeran arazo batekin egingo dute topo".