Feria hitza entzutean ganadua, fruta edo barazki azoka etortzen zaizkigu burura, baina txikiagoak diren animaliek ere izan dezakete euren azoka. Debagoieneko Mankomunitatearen eskutik, goizean zehar, Foruen plazan, erlearen inguruko azoka berezia egon da.
Bertan, bestak beste, ezti ekoizleak egon dira, baina hauek ez dira bakarrik egon, plaza postuetan kosmetikako produktuak eta erleen zaintzarako beharrezkoak diren produktuen salmenta ere egon da-eta.
Erakusketa didaktikoa
Nahiko ezezagunak diren animaliatxo hauek bizimodua, produktuak eta arriskuak ezagutzeko Erlearen mundua deritzon erakusketa ere egon da plazan. Asko izan dira, produktuak erosi ostean, informazio bila gerturatu direnak.
Goizari amaiera borobil bat emateko, kandelak nola egiten diren ikasteko tailerra ere egon da.
