Gurutze Gorria ezagutzeko aukera

Bailarako Gurutze Gorriak Oñatiko plaza bereganatu du. Erakundearen baliabideak ezagutarazteko eta bazkideak eta boluntarioak hurbiltzeko egun honetan, jendeak Gurutze Gorriaren lana gertutik ezagutzeko aukera izan du. Informazioa jasotzeaz gain, boluntarioek hainbat ekintza antolatu dituzte.

Debagoieneko Gurutze Gorriak egiten duen lana ezagutzera emateko jardunaldia izan da gaurkoa. Horretarako, Elorregiko egoitzan izaten dituzten baliabide asko Oñatiko plazara eroan dituzte. Jardunaldian zehar gainera, hainbat tailer ere egin dituzte. Horrez gain, umeendako jolasak, informazio gunea eta loteriaren salmenta izan dira goizeko erakarpen puntuetako batzuk.

Herritarrekin erlazioa indartzeaz gain, bazkide eta boluntarioekin harremanak estutzea ere izan da jardunaldiaren helburuetariko bat. Nahi izan duten herritarrek gainera, boluntario eta bazkide egiteko aukera ere izan dute.

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete