ELA sindikatuak jakinarazi duen moduan, hiru urteko indarraldia izango duen lan hitzarmena sinatu dute Oñatiko Hijos de Juan de Garay enpresan. "Lan hitzarmenak iraupen hori izango du eta gero "ultraktibitatea" deitzen dioguna izango du, hau da, hurrengo hitzarmena sinatu arte indarrean egongo da", ELAk zehaztu duen moduan.
Langileen soldatari dagokionez, hitzarmenean jaso dute urte bakoitzean KPIa eta 0,3 gehiago kobratuko dutela eta %1,9, gutxienez, bermatuta egongo dela. Errelebo-kontratua bultzatuko dutela era jaso dute hitzarmenean, "betekizunak biltzen dituen langile guztiei eskainiz eta errelebo-hartzaileei kontratu mugagabeak eginez". Lan-erreformatik blindatzea, aurrera-eragin mugagabea eta mutualitateen kudeaketa kentzea ere adostu dute.
