Goizeko hamarretan hasiko da Egun Morea, Zubikoa kiroldegian egingo diren Frontefeminista eta Neskalada txapelketekin. Parte hartu nahi dutenek Arranon, Ona tabernan edo kiroldegian eman dezakete izena.
Ostean, kiroldegian bertan hasita, poteoa egingo da eta jarraian, 14:30ean bazkaria Gaztetxean. Horretarako ere, Ona eta Arranon eros daitezke txartelak. Eskainiko den menua, aurreko urteetan bezala, "oso landua eta originala" izango dela esan dute antolatzaileek, eta 10 eurotan salduko dira txartelak (7 euro langabetuentzat).
Bazkaltzen amaitutakoan Atzoko Ogixa ikuskizuna egongo da eta ostean musikaren txanda izango da.
- Gaztetxean, 22:00etan hasita: Las Tipex eta Perlata taldeen kontzertuak.
- Arranon, 01:00ean: Dj Bollo.
