38 urteko gizonezko oñatiar bat hil da Araotz auzoan, gidatzen zihoan autoarekin sakan batetik behera amildu ostean. Segurtasun sailak aditzera eman duenez, Arazotzeko auzotar batek eman du abisu 10:45ean, iraulita zegoen autoan gizonezko bat zegoela adieraziz. Larrialdi zerbitzuetako taldea bertaratu denerako, gizonezkoa hilda zegoen. Istripuaren gaineko zehaztasunak –arrazoia, ordua...- ikertzen dabil Ertzaintza. Hildakoaren gorpua Donostiara eroan dute, auzitegi-medikuek heriotzaren arrazoiak aztertzeko.
Udaltzainburuak Goienari baieztatu dion moduan oñatiarra hilda zegoen laguntza zerbitzuak hara joan zirenerako. Gorpua zegoen moduan ikusita, baina, ordu batzuk zeramatzan hilda, antza. Ikerketa zabalik dago oraindik eta autopsiak ere emango ditu datu zehatzagoak. Aitor Olalde da hildakoa. Familiak baserria du Araotzen.
2017 ira 30 Oñati
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
