ULMA Taldeak MARFen erregistratu duen enpresako ordaindukoen jaulkipen programari esker, ordaindukoen jaulkipen indibidualak atera ditzake, 100.000 euroko nominal unitarioekin, eta 24 hilabetera arteko amortizazio epeekin.
Finantzaketa iturriak dibertsifikatuz, taldeko zortzi negozioen hazkunde prozesuari lagundu nahi dio ULMAk. Horretarako finantzaketa modalitate berritzaile bat garatu du kapital merkatuan. Taldeak jakinarazi duenez, finantzaketa formala hau erabiltzen duen lehen talde kooperatiboa da.
Banca Marchek koordinatuta
Ordaindukoen programa Banca Marchek koordinatu du -Sole Lead Arranger eta taldeko aholkulari gisa-; honetaz gain, jaulkipenen ordainketen egilea ere izan da. Bestalde, J&A Garrigues bulegoak programaren erregistro prozesu osoan zehar konpainiaren aholkulari legal modura jardun du. Finantzaketa programa hau ULMA INVERSIONESen bidez egingo da, 2016an sortu eta taldean integratu zen bigarren mailako kooperatiba sozietatearen bidez, hain zuzen ere.
ULMA Taldea 80 herrialde baino gehiagotan dago, eta 2016ko ekitaldia 671 milioi euroko diru-sarrerarekin itxi zuen; 2017an %8 haztea espero du, 725 milioi eurorekin.
