goiena.eus

Itxita egon da bart hainbat orduz Oñatiko Zazpibidetako bidegurutzea

  Gizartea  Oñati

Ertzaintzak jakinarazitakoaren arabera gaixotasun mental bat duen gizonezko bat oldartu da bart gauean Oñatiko Kale Zaharrean. Ertzainen hainbat patruila eta anbulantzia bat bertaratu dira, eta etxe horren azpian dagoen Pako taberna hustu egin dute, baita Zazpibideta inguruak hesitu ere.

Zenbait lekukoren esanetan, etxeko balkoitik kalera oihuka eta gauzak botatzen ibili da gizonezkoa, eta aizkora eta matxete bat ere erakutsi ditu. Hainbat orduz baretzen saiatu ostean, goizaldeko 1:30ak aldera gizona bere kabuz atera da etxetik, eta anbulantzian eroan dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa