goiena.eus

Oñatiko etxebizitza-merkatuaren arautzea ikertu duen tesia aurkeztu da

  Gizartea  Oñati

La política urbana y la regulación de la vivienda en Oñati (2007-2016) izeneko hitzaldia eskaini zuen astelehen ilunkaran Francisco Vértiz irakasle eta abokatu argentinarrak. Vértiz urbanizazio-prozesuaren arautze moduetan aditua da.

Oñatiko etxebizitza-merkatuaren arautzea ikertu duen tesia aurkeztu da
(Argazkia: ISSJ) | Ikusi handiago | Argazki originala

Lege Soziologiako Nazioarteko Erakundearen eskutik, eta Oñatiko Udala Grant izeneko bekari esker, Oñatirako propio Vertizek egindako azterlanaren aurkezpena izan zen.

Hitzaldian, adituak esan zuen etxebizitza lortzeko zailtasunei aurre egiterakoan, "erabilgarriak" izan daitezkeela "espekulazioa kontrolatzeko eta etxebizitzaren merkatuaren efektu kanporatzaileak gutxiesteko" balio duten interbentzioak, hala nola hiri-plusbaliaren gaineko zergak, hutsik dauden etxebizitzen gaineko zerga handiagoak edo etxebizitza-promozioen epeen kontrola.

Aurkezpenera hurbildu zirenen artean, LSNEko zuzendari zientifiko Vincenzo Ferrari jauna eta, Udaletik, Nerea Zubia eta Amaia Erostarbe zinegotziak ditugu.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa