Ulma polimeroko eraikinetik kea ateratzen ari zela konturatu ziren Zubillagako suhiltzaileek eta deia pasa zuten 112 zerbitzura 17:14an. Berehala joan ziren lantegira eta lanean hasi. Legazpiko suhiltzaileak ere joan ziren. Enpresako konpresoreak sua hartu zuela ikusi zuten, eta sua oso lokalizatua zegoela; 17:41erako kontrolatuta zuten. Kea baina, eraikin osoan zabaldu zen eta pabiloia aireztatu zuten segidan.
Lanera buelta
Atzoko sortutako kaltea konpontzen ari dira orain Ulma polimeron eta produkzioa erabat etenda egon da azken orduetan. Orain, baina, produkzioa berriro ere martxan jarri da eta langile gehienak itzuli dira normaltasunez lanera. Beste zerbitzuetako langile batzuk lanean dihardute baina euren lehentasuna da egoera konpontzea.
