Haur Dantzarien Eguna ospatu dute gaur Oñatin, eta Euskal Herriko hamahiru talde ezberdinetako gazteek dantzatzeko aukera izan dute. Guztira 600 bat ume batu dira.
Foruen plazan giro bikaina sortu dute Oñatira Haur Dantzarien Eguna ospatzeko gerturatu diren ehunka gazteek. Aurten, gainera, Hendaiako Akelarre eta Iruñeko Duguna dantza taldeak gonbidatu dituzte.
Otadui zuhaiztian egin diete ongietorria haur dantzariei goizean eta ondoren alkate txikiaren agurra egin dute Foruen plazan. Kalez kale dantzan ibili dira gazteak eta Oñatiko etxe partikularretan banatu dituzte 600 umeak bazkaltzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
