Abokatutza arloko 30 aditu baino gehiago batzartu dira Oñatin

'Lawyers in 21st Century Society' bilkurako partaideak.

Lawyers in 21st Century Society izenburupean antolatutako bilkuran elkartu dira abokatutza arloko 30 aditutik gora Oñatin. Lege-Soziologiako Nazioarteko Erakundeak ostatu eman dio gaur eta bihar artean egingo den adituen bilerari.

Zuzenbide ikasketen, lanbidearen etikaren eta beste gai batzuen inguruan hausnartuko dute 30 bat lagunek Oñatin, hilaren 12an eta 13an. Batzarkideek barne-hitzaldiak egingo dituzte eta abokatutzaren egoeraren gainean hitz egingo dute elkarrekin.

Oñatiko Lege-Soziologiako Nazioarteko Erakundeak ostatu ematen dio egunotan bilkura bati; Lawyers in 21st Century Society (Abokatuak 12. mendeko gizartean) izenburua duena eta honako irakasleek antolatzen eta koordinatzen dutena: Ulrike Schultz (FernUniversität, Hagen), Ole Hammerslev (University of Southern Denmark), Hilary Sommerlad (University of Leeds) eta Richard Abel (UCLA).

"Interes handiko bilkura"

Erakundetik bilkuraren garrantzia gogorarazi dute; landuko diren gaiez gain, parte-hartzaile kopuru handia eta hauen nazionalitate aniztasuna nabarmenduz. Partaideak, esandako moduan, hogeita hamar baino gehiago izan dira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.