Bi taldeetako jokalariekin elkartu ziren zelai erdian Mainttoni Iraola, Agirreren emaztea, eta Joseba semea. Taldeko kapitain Joseba Irizarrek lore sorta eman zien senideei Aloña Mendi kirol elkartearen izenean, eta gero, argazkia atera zuten guztiek elkarrekin.
Aloñako futbol saileko "arima eta eredu" izan zen Agirreren omenezko zazpigarren txapelketa jokatu zen zapatuan Azkoagainen, eta Aloña nagusitu zitzaion Gasteizko taldeari. Javier Azpiazuk eman zion saria txapeldunordeari, eta txapeldunari zegokion garaikurra, ostera, Mainttoni Iraolak Aloñako kapitain Irizarri.
